സ്ട്രാബെറി മൂൺ – ജൂണിലെ പൂർണ്ണ ചന്ദ്രൻ

എല്ലാ മാസവും ആകാശത്ത് പൂർണ്ണചന്ദ്രൻ ഉദിക്കാറുണ്ട്. മാനത്തു ദിക്കുന്ന ഓരോ  പൂർണ്ണചന്ദ്രനും സവിശേഷമായ പേരുകളുമുണ്ട്. ഓരോ ദേശത്തിന്റെയും കാലാവസ്ഥ, സംസ്കാരം, പ്രാദേശിക സവിശേഷതകൾ, അവരുടെ ജീവിതാനുഭവങ്ങൾ എന്നിവയെ ആശ്രയിച്ചാണ് ഈ പേരുകൾ രൂപം കൊണ്ടിരിക്കുന്നത്.

ആഗോളതലത്തിൽ സമയസൂചന സംവിധാനങ്ങളും ആധുനിക സാങ്കേതികവിദ്യയും വരുന്നതിനുമുമ്പ്, ആളുകൾ സമയം അളക്കാൻ ചന്ദ്രനെയും മറ്റ് പ്രകൃതി സൂചകങ്ങളെയുമാണ് ആശ്രയിച്ചിരുന്നത്. പുരാതന കാലം മുതൽ മാസങ്ങളുടെയും ഋതുക്കളുടെയും മാറ്റം നിരീക്ഷിക്കുന്നതിൽ പൂർണ്ണചന്ദ്രൻ എല്ലാ ജനതയുടെയും ജീവിതത്തിന്റെ അവിഭാജ്യ ഘടകമായിരുന്നു. ഈ പുരാതന മാസനാമങ്ങളാണ് നാം ഇന്ന് ‘പൂർണ്ണചന്ദ്രനാമങ്ങൾ’ (Full Moon Names) ആയി ഉപയോഗിക്കുന്നത്.